في أمان الله

في أمان الله يالحب الجميل اللي رحل بدري


في أمان الله ماباقي من آثارك سوى الذكرى





في أمان الله ياجمل حب في قلبي وفي عمري


جروحي من غيابك لو يطوف العمر ماتبرى





عشقتك عشق واغليتك غلا مامر في عصري


ورحت وقلت لي بكرة.... وياما خانني بكرى





أنا ذنبي تصورتك ملاك وصغت لك شعري


وقلت انك قمر ليلي..... بليلي وابتدآ المسرى





ياجمل من رأت عيني بهذا الكون من صغري


يااعذب ماكتب شعري وكل الشعر بالأحرى





مسافر لاتودعني.. وداعك يعتبر قبري


أبكتب فيك مرثية..ويمكنك... لها تقرى !!!





وداعاً ياغرامي ياشقا أحلامي وياصبري


وداعاً ياغلاي.... ويا جروح أيامنا القشرى





وداعا يا سنا الفضة ..وداعا..ياصدى القُمري


وداعا.. يالورود الذابلة .. يالشمس يالقَمرى





وداعا يأقرب أحبابي .. وداعا يابعد عمري


وداعا للهوى اللي ما بقى منه سوى الذكرى.