يا قوت قلبي

حتى تستوعب كلامي هَد نفسك واسمعن
ولا تعارض كل كلمة قبل تعرف مقصدي




أنا ما جيتك أجرّب هالمشاعر وأمتحن
فاهم إحساسك وعارف طيب قلبك يا بعدي




أدري قلبك في غرامي أوشك إنه يستجن
يوم غيرتك و ظلانك فيك تمضي وتعدي




بس والله ومن خلقنا قلبي ماله بالفتن
والله ما أقصد أعذّب خافقك يا سيدي




كيف وأنت يا وجودي لار عيني والجفن!
أجمل أحلامي وشمسي في ظلامي السرمدي




(أنتَ إن جازَ الكلام ُ فما سواك له ثمن)
(ياقوت ُ قلبي فضتي ذهبي وخضرُ زمردي)




شيّدت لك يا فاتني في داخلي أجمل وطن
حتى إلى منّك لفيت ترتاح نفسك وتغدي




ذاك الأمير اللي جمع في قبضته كل المدن
وانصاع له قلبي وجيته شايله ف راحة يدي