رجل عصفور

تصدق بس سامحتك! لأنك جاهل ومغرور
ولاّ ابسط حقوقي أصد وعنك ما أسأل




بإمكاني تعيش الهم شهر اثنين ثلاث شهور
واسيبك تضرب أخماسك بأسداسك ولا توصل




لأني عارف أمثالك وفاهم لعبتك والدور
أبد ما أثّرت فيني حماقة فعلك الأهبل




يا بابا لسه يا شاطر وبدري حيييل يا شطور
تبي ترقى متون الخبث لحتفك كنت مستعجل




إذا لك نيّة تتخابث ترى للملعنة دستور
مثل ما الطيب له ناسه لدرب الناقصة مدهل




بمعنى لا تجيب الفاس وسط الراس يا دكتور
تعلّم كيييف تبهذلني بدل ما أنتّ تتبهذل




بقولك شي بيفيدك وخليني كريم شعور
مدامك ناوي ناويها بَلا تمهيد وِتْوّكَل




صراحة ما عرفت إنسان يبي يسرق رجل عصفور
أنا اعرف من بغى يسرق يملّي راحته بأثقل




خلاص أنسى ولا تاخذ كلامي وهرجتي منظور
أخاف أفهمّك واتعب وأجيب العيد واستعجل




يا زينك مثل ما إنت وترى من خاطري معذور
كفايه جيت تكحّلها عميت عيونك الأول