نبي موقف

كفخ يَمّ السحاب وطار جناح الحُر بثيابه
يدوّر ف السحاب الطهر عساها تمطر العزة




مدام أن البطل شايف براءة طفل وألعابه
خطر يستوجب التدمير ورم والمعضلة جزة




محاكم تنصب وقالان يطبق مبدأ الغابه
حصار ولو يموت الكل ضمير الحي ما حزه




معاه الحق لا صارت وجوه القوم واشنابه
تطبق قاعدة باقي ترى ما حانت الحزة




تمسخر يا عدو الله كسانا الذل جلبابه
ولا نقدر نقول اليوم نبي فزة مهي بفزة




ترى ربع الذي تسوي من التعنيف وإرهابه
يمثّله الحصار اللي يطوّق بنتنا غزة




بعدما كانت الديرة حمامٍ غنّت أسرابه
غدت تصرخ أغيثوني من اللي عرضي إبتزه




من يقول الذي يحصل سحابة صيف كذابه
وحنّا ما نشوف إلا خراب وأرض مهتزه




يا سادة قومنا تكفون صدانا طوّل غيابه
نخاف آخر عَرق فينا على محتاجه نعزه




يا أمة شاعر المليون يا أهل الشعر يا أصحابه
ترى صوت القصيد أقوى من البارود ويهزه




دخيل النخوة اللي في عروق الدم تحيى به
دخيل اللي أكلتوا من ثمر زيتونه المزه




إذا تشكون من دنيا بلاها محكمٍ نابه
اجل وش حال من يُحرم سنين العمر من رزه




نبي موقف يسجلنا عرب في محضر كتابه
نبي نخرس لسان اللي عمى شيطانه يدزه




أخاف أن الأمم تضحك وواقعنا تمهزابه
أو تبدّل حروف العز فينا وتقلب الهمزه




هناك بلاد وشعوب ٍ تصون القدس وترابه
وهنا شعّار يا حظي على مليون مرتزه