خارج الصورة

سألتك لا تخليني على بـاب الأمـل مكسـور
كفاية وقفتـي وآخـر طعونـي ينتظـر دوره




دخيلك وأن غدا كفك علـى سكينتـه مأجـور
تذكّر كم كسر كفـي سيـوف ٍ فيـك مأجـورة




وإذا باقي على بالك ليالي كنـت فيهـا النـور
فأنا ما زال بي صبـح ٍ يتيـم ٍ مالقـى نـوره




يتيم ٍ والأسى حفنـة وجيـه ٍمعتليهـا غـرور
لغت ذيك الوجوه الطهر وصارت شبه مبتـورة




وجوه ٍ لونّت بعضي وبعضـي خلتـه مهجـور
ولا اختارت من الألوان سوى حزني وديجوره




وأنا وأن قلت يا وجه العذاب اللي كساني شعور
متى تثمر عناقيدي وتطرح خـارج الصـورة؟




لفاني من بعيد الصوت مكانك بآخـر الطابـور
تصوّر بعد ما كنت الزعيم وقائـد الثـورة !!!




وإذا قصدك تمهد لي رحيلك بعد خمس شهـور
ترى ما عاد لك فيني سوى ظلم الهوى وجوره