الشعارات القديمة

يا فقر حالي يا جيوبي الخالية من عزتي
مسلم وحالي للأسف يبكي على حاله أسف




يعربي واللي مزوده الأسى في طينتي
إني شبيه الخاين اللي عن وفا خله نكف




مسلم أردد كلمة التوحيد لكن ديتّي !!
موت الكرامة وليتها تنحسب موتت شرف




موتي حلال ووقفتي ما تغتفر لي سيّتي
حتى لو إنه كل عرق ٍ في معاليقي نزف




مليّت من دور البطولة الزايفة يا دنيتي
ما غير أردد بالشعارات القديمة وأعترف




كم كنت أشوف الذيب ينهش في حناجر لابتي
ما هزني موت القريب ولا أرتعش فيني طرف




كم كنت أحس إن المشاهد كافية في غيبتي
تستنهض العزة فقلب ٍ ما صحا مرة ووقف




عذر ٍ قبيح من الصبر متوارثه من صحبتي
صحبة تغذي كل كذب ٍ فيني لا منّه نشف




لين أصبح الواقع مرير وفارقتني همتي
وأضحت بقايا نخوتي مترددة في المنعطف




أما أجي كلي شموخ أرفع بيارق صحوتي
ولاّ أصير مع الذي جاز له عيش القرف




يا أمتي ما للقلوب الغافية من غفوتي
إلا مثل ما للعيون الجامدة برق ٍ خطف




غزة تنادي الباقي بعزة أشاوس أمتي
ملّت تراتيل الدموع اللي يبروزها الأفف




تسأل ضمايرنا! لمتى أدفع ضريبة وحدتي ؟
ما للعذر عندي مكان وجه الحقيقة وأنكشف