باب الفَرَج

كان الفرج بابي يوم الصبر مفتاح
علقت به حلمي في سكة الأحباب




يا ما على أعتابه مروا علي سُوّاح
وياما تمادوا بي صد وجفا وعتاب




ما ظن به فـ الكون دمعة أسى وجراح
‍ما لامست خدي أو عانقت أهداب




أحيان أحس إني في وحدتي مرتاح
وأحيان أشوف الهم شلة وجيه أغراب ‍




صارت خيوط اللار لا مرني تجتاح
سمل الثياب اللي تستر بقايا تراب ‍




حتى غدى وجهي كنّه بيوت أشباح
تقرا على سمعي تعويذة الرُّهاب ‍




تشرب على همي نخب الحزن أقداح
في صحة الباقي من عمري المنساب ‍




يا ذا الفرج ما بي أصحى على تفاح
طالبك تعفيني من صبرك الكذاب ‍




وش كلف العابد يحمل عنا واتراح
دام الصبر ماله قبلة ترد غياب




يا ذا الفرج صبرك قله إذا ما لاح
يممّت أنا وجهي بعده كذا محراب