سكـِّينة الأرحام

بكره يمرك جرح

يتنفسك ذكرى

تصرخ من عروقك

ودي أشوف اللار

بعض الموادع ظلم

والبعض ما يشرى

تدفع ملايينك

وتحيل فيه قبور

سكّينة الأرحام

تلعب على حدين

تمررك قاطع

وترجعك مسكين

وأنته على بالك

خارج عن المنظور

يا صاحبي بكره

توقف بيوم الدين

تسأل عن ذلابك

ليه خلتك فسنين

تقسى على أهلك

وتبيعهم بالدور

يا صاحبي وقتك

ما يعترف فيهم ؟

ما مرتك لحظة

تحمل مآسيهم ؟

وأنته تشوف الظلم

ينهش بهم طابور!!

ما مر بسنينك

في ليلها الأبتر

صبح ٍ يصحي بك

طيبك إذا يقدر!!

تدري على أية حال

مجمّل ومشكور

حنا زرعنا بك

ناب الجفا والخبث

من طيبة أقرابك

كان العَقد والنفث

خلّك على غرابك

في العالم المهجور

خلك مثل منته

بكره

يجيك

الدور