قلب الجزيرة

نبض قلب الجزيرة حمد لمنشي غيمة الهتان
كريم الفضل والمعروف مجيب لكل من يدعيه




تباشير الفرح لاحت وهلّت غالي الأوطان
بسلطان السخا والجود عسى يا الله لنا تخليه




تزف قلوبنا فرحة من إحساس وغلا وجدان
يا بو خالد عليم الله وشللي قلوبنا تخفيه

‍


يا سلطان العطا شوفك بخير وعافية ورضوان
‍تعدى في نظر شعبك عطا الدنيا وما تحويه




تعافى من عفاك الطيب وقام بقومتك نشوان
يباهي في سمو المجد ويرفع حظنا ويعليه




ينادي يا سليل العز بصوته في مدى الأكوان
أميرك يا قلوب الخير بخير وربنا حاميه




يا بو خالد عطاك اللي زرعته فالضماير بان
‍وراعي الطيب لو يخفي جميله ربنا يبديه




يا ماسح دمعة الأيتام وجابر كسرة الحرمان
‍مفرج ضيقة المهموم وعونه في الذي يشكيه




ملكت قلوب ما تشرى بطيبك يا رفيع الشان
‍قلوب ٍ نبضها يحيى على الطيب الذي تسويه




لو إنا قد صنعنا من صفاتك أجمل التيجان
‍نحير بأيها نبدا نتوج راسك ونهديه




كرم ولا وفا ولا عطا ولا سخا وإحسان
‍صفات ٍ كلها عندك ومثلك كمله باريه




كفانا يا أبو خالد وجودك بيننا إنسان
يحس بنبضنا ويشعر وش اللي قلوبنا تعنيه