شبيه انسان

تخيل هذي الدنيا وانا فيها شبيه انسان


تخيل كيف تحرقني وترجع غي تطفيني





تخيلني برغم الجرح قلبن للوفا علاان


وضيق الوقت بعيوني يضحِّكني يبكِّيني





شبيه الريح مو وصفي ولا تغريني الألوان


وحيده في مدى شوفي لوان الشوف يعميني





انا مااعتب على الدنيا لوان الوقت جا خوان


اصب اللوم ياعداتي على أخلاقي وتكويني





غريبة يازمن لعبك يشملني كثير أحيان


يدوس الخير في قلبي ويضحك في شراييني





على وجه الزمن صاحب عبوس(ن)يشبه النسيان


كتبني في العمر رحلة وسافر بي عن سنيني





واظن الصاحب المذكور..ماكر في الهوى فنان


عزف لحنٍ على اوتاري تمنى لو يخاويني





رسم هالكون في هالعين جنة هو لها بستان


وصور بسمته وردة بكت منها شياطيني





زماني يوم أمنته غدر فيني ولاقد صان


جزاني بالوفا طعنة ولا فكَّر يداويني





ملامح غربتي قصة جفاف العمر بي قد بان


طويت أشواقي بقلبي..طلبت الله يشافيني





بنيت اليوم مملكتي بلا كاذب ولا خوان


تحصنت بجروح الوقت وما عادت تعنِّيني





تسهل ياحبيب الأمس وابعد يارفيع الشان


نزل قدرك من عيوني ولابه شي يرضيني