قلبــــك تجاري

اسمك أصلي بس قلبك ذا تجـاري
ماهو أصلي من بعد مـده يخـون

شمس ليلى اخذلت مطلع نهـاري
ضعت فيك وماعرفتك مـن تكـون

وين رايح ابجروحك وين سـاري
بعد ترحيبي ابجروحـك يرحلـون

دوك قلب ٍ بعلنه معـك انتحـاري
بـاع عمـره مايبالـي بالمنـون

ماكفاك إنـي معـاك ومنـت داري
وماكفاك انـك معـاي وماتهـون

ليه تجرح وانـت قمـة اختيـاري
ليه ابكي من وجع ذيـك الطعـون

كافي تخطي ولك اقـدم اعتـذاري
كافي لجلـك قلتهـا كلـك تمـون

انهزم قلبي ابطلـب فيـه ثـاري
بعد حربك ماتحصنـي الحصـون

لا خنـادق لا بنـادق لا صـواري
لا ولا كامـل جيوشـي يثـأرون

اسمحولي لو تنازل عـن وقـاري
طبعهم بـس بالمشاعـر يلعبـون

كلهم بضحك عليهم فـي قـراري
كلهم باصـد عنهـم فـي سكـون

يوم شفت المسألة بايـع وشـاري
صنت قلبي عن هوى ذيك العيـون

خلني بكتـب بدمـي ذا شعـاري
الرحيل ارحم من اللـي مايصـون

وين عنتر او معمر مـن مشـاري
وين عبله او بثينـه مـن فتـون

وين قيس ابن الملوح ياحضـاري
من عشق لين انتهى به للجنـون

فيـه فـرق لا تجـادل لا تمـاري
كيف وفوا كيف كانـوا يعشقـون

لو تلفت عن يميني عن يسـاري
ماأشـوف إلا المواجـع ينزفـون

يازماني وش جرى وش كان جاري
ليه انزف بين قـاف وبيـن نـون

خايفه اوقف على بـاب الطـواري
اشتكي فِ شهـار ممـا يشتكـون

أو أجيـه مضيعـه عنـوان داري
وتنتحب غصات قلبي والشجـون

يانهاية حب .. ياعشق الصحـاري
ياقساة الوقت فـي قلـب الحنـون

كل شي ٍ صار به غـش ٍ تجـاري
لا بياض قلوب ولا هـم يحزنـون

» قلبــــك تجاري