جبر خاطـــــر

الظاهر ان السالفة جبر خاطر
عادي ترى الخاطر من العام مكسور




حظي كذا ماكان فـ الحب شاطر
مهزوم تاريخي ولا عاش منصور




بين الدفاتر والقصص والأباطر
ضيعت عمري لين ضيعني الدور




كم خانني قلبي وكم عاش ناطر
يبدع غرام وحب من غير جمهور




قلبي مع كل البشر روض عاطر
وقلوب بعض الناس للحب تلار




يعني تكبدت العنا والمخاطر
طريق مابه غير ظلمه وديجور




لا صاحبه نسمه ولا شفت ماطر
ولا سمعت من الغلا سالفة زور




واليوم ودك بالغرام انتشاطر
لا جمل الله حالك .. السعي مشكور




ابيات شعري والكتب والخواطر
تجبر مصابي وانت معفي ومعذور




واللي كتب كلمة ولو جبر خاطر
ماني معه لو خاطر الحب مكسور