شفاة الأمنيـــة ..

إن كان قصدك في غيابك تغلي
تدري غلاتك فوق كل المخاليق




وإن كان ودك دمع عيني يهلي
هلت دموع العين غربة وتشويق




انا اعشقك واهواك ماهو تسلي
ولا هو جنونٍ"نٍ من جلان العشاشيق




لو زارني طيفك أرحب وأهلي
واهج غرامك في خفايا المعاليق




ماشفت وجهٍ في غيابك يسلي
بعض الوجيه أشباح في محفل الضيق




وانته حبيبي لو همومي تعلي
وانته هنا روحي وبعدك فلا اطيق




وانته رموش العين شمسي وظل
يوم اعتلى عرش الهوى قمة طويق




يوم الحــنايا ياهـنايا تهلي
سالت شفاةَ الأمنية من حلا الريق




وإن كنت ماتدري عن اللي حصلي
شيٍ يفوق الوصف ماهو بـ تلفيق




شيٍ خيالي ياخيالي وكلي
مابين اكذوبة ومابين تصديق




ابسألك بالله لو غبت من لي
وانت عيوني في وجيه المخاليق