رجيتك لا تخليني

جيت الحين يا ليتك فهمتي السالفه والفال
تمنيتك ترجيتك تحسي يالغلا فيني

اجيتك يالغلا ياللي لقلبي صرتي الموال
اجيتك والله ما ودي تفارق شوفتك عيني

دخيلك لا تخليني ولا تنسي ابد رحال
وذا قلتي خلاص ارحل قهرتي نبضي وسنيني

اذا اخطيت انا اسف انا اسف على لاهمال
حبيبي والله ما اقدر اباعد بينك وبيني

وذا قصدك فقير اني وما اشرف ابد بوصال
ابفتح روحي لك شوفي وتلقي طي بايديني

ابي قلبك يداويني ابي منك فقط اقبال
اذا جيتك تلاقيني بنفس الشوق لاقيني

ولو ما حن لي قلبك ودربك عافني واختال
بمان الله باقلك وما ابي اللي يراضيني

علامك رافعه حاجب وانا سيد وانا خيال
اروض الف واتحدى تلاقي اللي يساويني

انا ماهمني قيدك افك القيد ولاغلال
وما همي جرح غدرك ولي ربً يداويني

عشقتك ايه يا سومه كفايه ذل او اذلال
شربت الكأس من يدك حزن ما قلت فكيني

تجيني الحين يا ويلك بقولن ما ابد ينقال
سمعت من البدو كلمه اجل تقتل وتحييني

اشوفك دنيتي والله ولون الفجر ولاشكال
ضمايا اللي تشوفينه ملا غيرك بيرويني

تحملت الآلم لاجلك وطقت اللي يهد جبال
رحلت لارض معرفها وكنتي نار تكويني

احبك والله حبيتك وعشت البعد والترحال
وقبلت الثرى تحتك ونا اللي عالي اجبيني

عشقتك عشق ما يوصف وما همي ابد اثقال
سهرت الليل فى طيفك سهرت وناظري عيني

تبعتك كنني ظلك وما همي الوف اميال
طويت لارض من اجلك رجيتك لا تخليني