سادس اركاني وطن

سئلوني عن ودادي عن غرامي للوطن
قلت فوق الوصف حبه راسخ ٍ ثابت ثبوت


آمر من ربـي غلاتـه اوجبه ربي وسـن
ولو وصفته في حروفي ما كفت كل البيوت


للحصى والرمل عشقي في حشايا هالبدن
والمبـاني والمـواني والشـوارع والبيوت


لو ابـاعــد يوم عنه ثار قلبي فيه حن
والمشاعر شاغلتني بالف نغمه والف صوت


ما علت أمه برقصه او بضاعه او وثن
الوطن يعني ترابٍ ناس من اجله تموت


في حنايا الروح ساكن محدن غيره سكن
والسواعد ما توقف لاجل حظه والبخوت


يسئلوني قلت عاشق شي واضح دون ظن
فتشـو تلقو يقيني للوطــن كله نحوت


ما يبيـع الارض لا من صبا عقله وجـن
وما يفكر اي عاقل بيع ارضه لاجل قوت


وان غزانا جيش غازي قادماً للحرب شن
نجعله عبــره لغيره لو تقدم او يفوت


نبضنا والروح فدوك ما تهزك هالمحن
عالياً راسخ وباقي ولاعادي في مقوت


اكتبه وارسم بصدري في جبيني والوجن
رايته واحمي ترابه والمعــادن والزيوت


يسئلوني قلت كافي سادس اركاني وطن
اعشقه وارسم غلاته في صلاتي والقلات