تصدّق

تصدق غايبة عني حكاية انك تسافر
وعمره ما طرالي فيوم تغيب وتبتعد وتروح

أنا من لي إذا قلبك تركني وفضل يهاجر
تزيد الحزن بأعماقي وتترك لي ألم وجروح




غلاتي لا تلوميني إذا عنك أبا سافر
حقيقة وقتنا تفرض نعيش بلا أمل وطموح

تجرعنا من الدنيا مرارة كاسها القاهر
وعايشنا قسا الأيام بنينا من الأماني صروح




محال انك تبي ترحل وتتركني بلا باكر
محال انك تبي تفرق بين أجسادنا والروح

دخيلك ناظر عيوني غدا دمعي معك حاير
أنا أبكيك وإلا ابكي ليالي غربتي وألاح




بتوحشني سواليفك وطيبة قلبك الطاهر
وبفقد في غيابك كل معنى للهوى والبوح

بعيش في غربتي ابكي رداوة حظي العاثر
وبطفي كل شمعاتي وأدور في الشوارع ضوح




تخيل حالتي بعدك وحيدة وأكسر الخاطر
تخيل نظرة العالم وسري اللي غدا مفضوح

رجيتك لالايت تروح تخلي طيفك العابر
إذا مر بليالي الشوق يواسي قلبي المجروح




أناعارف معاناتك وعارف قلبك الصابر
وعارف كم تحملنا عذابات وسهر وجروح

فمان الله ياحبٍ سكني بأول وآخر
فمان الله ياقلب ٍٍ ملكني بالجسد والروح