هذاك أول

تعال ارفع ثقيل الهم عن صدري وحررني
تعبت ألوح بيدي وأقول الهم ما أطيقه




عبث قمة عبث وأدري عبث لاجيت تسمعني
ألم فاق الألم وصفه ويتعبني شقى الضيقة




حرام اللي تسوي بي حرام إنك تعذبني
كفاية كف بكفوفك كفى دمعي وتدفيقه




زفرت وزفرتي طالت وظلم الوقت يزفرني
ترى موت الصقر اشوى ولا كتمان تحليقه




خطا وأكبر خطا لوصار؟ ما يسوى تجرّحني!
تذّكر كافرة فازت (بكلب ٍ) بللت ريقه




وأنا تصعب علي نفسي أصوّت لك وتجهلني
ويصفعني صدى صوتي بعد لمّه وتفريقه




كسبت وما كسبت إلا جروحي صعب تكسبني
وماض ٍ بالعمر عشناه لايت اليوم تغليقه




هذاك أول عيونك كان لها خاطر وتحرجني
لأن اللي حصل كله محال وصعب تصديقه