دوس الزناد

جيتك مطر بلل هدوم العذارى
جيتك بقلب ٍ ما يطيق البعاد




جيتك وهمّي لانثرته تمارى
ثوبي حزين ومتشح بالسواد




جيتك ذليل بخاطري وانكساره
محتاج منّك وقفة إنسان وبلاد




أدري خسرتك وتدري إني خسارة
وتدري قسا الحرمان بالحيل وقاد




ياللي بزماني كنت طوع الإشارة
من وين ما ناديت ألقاك سنّاد




واليوم أشوفك رحت عني وتوارى
درب الغرام اللي مشيناه بعناد




تذكر كلام الحب وأحنا سهارى
ليلة غياب الحزن في صبح الإسعاد




من كثر ما تحكي لفتني عبارة
لليوم ذاكرها ويا ليت تنعاد




قلت الهوى يبدأ من أول شرارة
وأنه غرامي صار لك عيد ميلاد




الله يا زين الحكي واعتباره
ويا زين قلبك لا لاى يمطر أعياد




أرجوك راعي هم قلبي وناره
أرجوك وأنت صرت لي شف ومراد




أحس فيني من خضوعي مرارة
أما تداويني أو تدوس الزناد