أحلى خبر

ألف دمعة في عيوني وابتسام
يوم قالوا لي وكذبت الخبر




يشهد الله وقتها ذقت المنام
اللي فعلا ً ما عرفته من شهر




هلا بك تاج راسي والغرام
هلا بك سيّد أحلام العمر




هلا والحب لو هو بالكلام
ما يوفي حبي لك نثر وشعر




ودي أحضن كفك الغالي وأنام
وأترك الدنيا وقساها والبشر




ودي أنسى كل لحظات الخصام
وأرسم حدود الغلا بيدك قصر




عالمي وياك ما يعرف ظلام
لأنك أجمل وأحلى من مية قمر




ما يهم اللي يقولوا والملام
دامك بعيني ضيا لار الفجر




والله إني في غرامك مستهام
إيه أحبك موت وأبصم بالعشر




مثلي ومثلك ترى والله حرام
يشتكون فيوم من ضيم وقهر




حبك أصبح في شراييني وسام
ومالي والله من تفاصيلك مفر




حب ينبض بالرضا ولاحترام
وأنت تكبر كل ما حبك كبر