حبك مزاج

موضوع: حبك مزاج الخميس يونيو 11, 2009 1:37 pm

تصدقي حبك مزاج

شي له نشوة وكيف

أكثر من إنه احتياج

للحب أو فرقى تخيف

حبك علامة فارقة

في كل تاريخ الغرام

حب يرويه الغضب

ويزهره حلو الخصام

لو بوصفه مدري الحكي

يوفي معي؟؟؟

وألا الهوى..

مرسوم نافذ

مايبي له احتجاج

حبك يعلّم كل بنت

متى الحكي ..

يحتاج صمت

متى الحواجز تنكسر

وينتهي عمر السكوت

متى المشاعر تعتذر

لا صار للتجريح صوت

وإنه يكون فضعفها

أقوى وأعند قلبها

مهما حصل ما تنتظر

تاخذ قرار لابتعاد

فورا..وتعلن رفضها

هذا هو سرك معي

ما قلت لك حبك مزاج

تصدقي لو كان عقلك

يحكمه في الشور قلبك

ما تلاقيني أحبك

وليه أحبك؟

وأنت ِ عندي مثلهم

ما فرقتي عنهم

بس في الواقع لقيتك

تفرقي عنهم كثير

وآنا تعجبني المبادئ

أموت في الشي العسير

منتي أول حب لكن

صدقيني..

أغلى قلب..

وأنا قلبي أختارك أنت ِ

وألبسك بالحب تاج

لأن كل السالفة

سالفة أحلى مزاج