سامحيني

من تفاصيل الإجابة لي هروب الأسئلة
من محاصر كل جرح ٍ احتمى فيني يصيح




جيت نادم يا جذوري جيت بعد المسألة
جيت متأخر عليك ِ بعد ما مات الجريح




اعذريني الخطاوي هرولت متثاقلة
والشواطي جف ماها والسفينة تستريح




وأنا في غربة حضوري التحفت البهذله
يوم وجهي في غيابي تلفحه مليون ريح




مامدى أنطق وربي كلمتين البسملة
إلا وهموم الليالي فيني قامت تستبيح




ما تراعي حرمة اللي في سكوته ولوله
ولا تقدّر كسرة اللي من بعد عزّه يطيح




يشهد الله كم رجيته كم بكيت أتوسله
يشهد الله ما تركني لين أرداني طريح




سامحيني يا جروحي ما لايت البلبله
أطلب الغفران منّك لجل أهنى وأستريح