شماليّة

شمالية وكل الزين يغشاها شمالية
عروس القاف وحروفه وروح أبيات شاعرها




حلاها ما أنخلق مثله ولابه في الحسن زيه
فريدة ورب هذا الكون من أولها لآخرها




لايت أكتب لها دانة من الأبيات رائية
عساها تقبل أبياتي وتسكن في مشاعرها




وأنا لوني وصفت اللي أحسه منها فيه
أبد ما تكفي أوراقي ولا تكفي دفاترها




تعديت الولع فيها وقاضي مية في المية
ولو به نسبة في المليون تلقوني مطامرها




أجل هي ماخذه عقلي وتفكيري من شوية
عليم الله تذبحني بغمزة من سواطرها




عطاها الله سبحانه رهافة قلب وحنيه
جميلة يا عساها دوم تسلم لي لااظرها




خذت قلبي وأنا راضي بكيفي قلت يا بنية
فداك القلب وأركانه وزوايا غاب زايرها




فداك اللي بقى كله فداك اللي مضى ليه
فداك الشوف وعيوني فداك أغلى محاجرها




وحق اللي جمعني فيك بلا موعد ولا جية
غديتي بالهنا دنيا جديدة كنت ناطرها