الجبين المستباح

آه يا أمة عقيمة / صاب تفكيرك جمود
تطلب العز وتدوّر/ للمعالي والفلاح




للمعالي درب واحد/ دونه لا يمكن نسود
أي نعم/ عمر الريادة / ما تجينا بالصياح




نشجب الفعل وندين / وصوتنا مثل الرعود
وأحنا في واقعنا أصلا ً / ما سعينا للنجاح




كانت الأمة قوية / ما تخوفها اللحود
يوم كان الموت غلاه / من دواوين الجراح




يوم كان المجد غاية / عزمنا ماله حدود
ويوم صار الضعف ومصة / وردنا أزهر وفاح




من تعودنا نطاطي / روسنا فغير السجود
صرنا والله خير أمة / للجبين المستباح




كل مرة فيها نخضع/ ننتشي ذل ونعود
نخضع أكثر/ نعجب أكثر/ في تعابير اللااح




تضحك الدنيا علينا / لا حكينا فالوعود
أو تذكرنا البطولة / في زمن ولى وراح




ضعنا والله بين سام / وبين أطماع اليهود
ومن دموع اطفال غزة / صغنا موسيقى السلاح




الوطن ضايع أمانة / والأمل ماله وجود
والضمير الحر يسأل/ كيف إطلاق السراح؟




للأسف ما عاد باقي/ فيك يا طبع البرود
حرقة أعصاب وخيانة / وسر فيه الوقت باح




جينا ننثر في نهاية / مسرحيتنا ورود
البطل ميّت ونقدر/ نستشف لارتياح