مُلفته

ملفته للعين هي من يومها
حسنها زايد ونظرتها خيال




بالكمال الله قسم مقسومها
ما بقى للزين فيها من مجال




واهني الحلم ساعة لامها
جعل طيفٍ ما يداعبها زوال




العنيدة اللي تعدى سومها
سيدات البيض والسمر الطوال




من تعرض بالهوى لسهومها
كود يسلم لاذكر رب الجلال




ليتني واحد من أصغر قومها
راعي ٍ ما بين بران وجمال




ولاّ طفل ٍ ناشب ٍ بهدومها
وين ما راحت تلقاني ظلال




شوفوا وش سوت فحالي يومها
ألمحت عيني وصدتني وحال




بين قلبي وبين كثرة لومها
الجفا منها سبق حبل الوصال




حسبي الله دام هذي علومها
هبلت بي بس... يا زين الهبال