فيروس

صاحبت واحد يقال له ولد بقاش
وخبري بيحيى ماركب يوم بجموس




غايب ٍعني وأنا جيت بهواش
دام المعاتب بين لاحباب ناموس




دقيت رقمه صفر خمسة وعمّاش
عيّا يخليني أكمل الرقم وأدوس




يقول أركد وخل عنك التحراش
مايدري أنه معتلي راسي خلاس




وأبتدى خط المعاتب بوشواش
ألوه.. يحيى وين يا خوك مدفوس




قال السموحه وأختفى مثل عبراش
عبراش هذا في الأصل كان عبروس




قصة طويلة مالها وقت ونقاش
بالمختصر جنّي يعلّمني دروس




وأحنا في يحيى مالنا في التلباش
اللي غيابه صار له وقت ملموس




دقيت ثاني قفّل الخط وأنحاش
كنّي أدوّر دين أو كومة فلوس




قمت أكلّم عزتي وأقول مدراش
يمكن الشهرة تغيّر طبع لنفوس




من شافني يضحك ويقول حشاش
من كثر مايطري على البال هاجوس




يرحل بي التفكير والهم هبّاش
من مفردات اللوم ألفت قاموس




الله وأكبر يا زمن فيك من عاش
يشوف بأيامه غرابيل ونحوس




فجأة! أنقطع حبل الأفكار وإنحاش
ورن جوال اللاكيا إن نيسروس




ألوو.. حمد المعذرة كنت أعتاش
وجوالي المخزي طفى سب فيروس